Background-image
Aruba's Swimming & Synchro Teams
Aruba+Dolphins
Baracudas+Aruba
Orcas+Aruba
Sports+4+U
Stingray+Aruba
Barracuda's Fundraiser Cirque du Soleil Dinner Show

 

For Immediate Release:

 

Barracudas ta rindi tributo na Cirque Du Soleil cu Show Unico di 1 di December

 

E club di Barracudas Synchro Aruba ta invita e pueblo di Aruba pa celebra cu nos e di 45o aniversario di “Synchro” na Aruba (1973-2018). Mas cu 50 atleta, coachnan y mayornan voluntario ta trahando hunto y duro pa orchestra un evento unico e aña aki titula:     “Barracudas Synchro Aruba presents: A Tribute to Cirque du Soleil”. Y lo tuma lugar dia 1 di December na e luhuso Divi Aruba All Inclusive, porta nan lo habri pa 7:30pm y e show mes lo cuminsa pa 8:00pm. 

Ta preparando un show exclusivo unda nos atletanan lo demostra nan talentonan den un forma artistico completo cu efectonan di lus y trahenan briyante. Divi Aruba All Inclusive lo prepara un cena sabroso di pasco pa completa e experiencia di e anochi aki.

E show ta tuma mas o menos dos luna pa prepara coreografia y rutinanan adapta di esnan di e temporada competitivo di 2017/2018. E atletanan ta train entre 3-4 ora pa dia pa asina perfecciona e rutinanan di e show.

Ticket nan ta obtenibel serca tur atleta y lo por bishita e website www.barracudasaruba.com pa reserva tambe. Contribucion lo ta Awg.125,- pa persona of Awg. 750,- pa un mesa di seis (6) persona, cual ta inclui e show di landamento artistico cu tur atleta di nos club, actonan di circo, un cena di pasco cu appetizer, main course y dessert, un welcome drink plus un (1) bebida adicional.

Nos di Barracudas Aruba kier a invita e pueblo di Aruba pa bin celebra cu nos un cena di pasco den un manera unico e aña aki, disfruta di e show y contribui na un bon causa.

Como club di deporte nos mision ta pa prepara y desaroya atletanan na tur nivel y abilidad pa por yega 100% di nan potential den e deporte di landamento artistico. Un ambiente bon structura caminda ta enfoca pa e atletanan pasa pret, sera amistadnan nobo, semper hasi nan best pa ta exelente y siña participa y competi den un deporte cu ta demanda hopi di nan mes, mayornan y coachnan.  Pa mas informacion por bishita nos riba facebook @barracudas.aruba of email nos na barracudasaruba@gmail.com